Xəbərlər

Qeyd olunur ki, solaxaylar onlardan solda olanları seçməyə üstünlük verirlər, sağaxaylar isə ilk növbədə sağ tərəfə baxırlar.

Çikaqo Universitetinin mütəxəssisləri vurğulayırlar ki, solaxay işəgötürən hər hansı işə namizəd seçərkən sol tərəfində oturana üstünlük verir.

 Sağaxay rəislər də eyni cür hərəkət edirlər. 

Alimlər bu vəziyyəti solaxay və sağaxayların baş beynində müşahidə olunan fərqlər əsasında asanlıqla izah edərək bildiriblər ki, həmin fərdlərin baş beyninin müxtəlif payları emosional qavrayışa müxtəlif cür cavab verir.

Amerika ekspertləri solaxayların və sağaxayların emosional durumuna təsirin müxtəlif metodikasından istifadə etməklə, insanlarda depressiya pozuntularının müalicəsində bu məlumatlardan istifadə etməyə çağırırlar. 

Hazırda dünyada kişilərin 13 faizi, qadınların isə təqribən 11 faizi solaxaydır.