Xəbərlər

Bu barədə "Reuters"  Səudiyyə Ərəbistanının neft naziri Əli ibn İbrahim ən-Nuaymiyə istinadən məlumat yayıb.

 O, keçən həftə Səudiyyə Ərəbistanı, Venesuela, Qətər və Rusiya ilə qəbul edilən xam neft hasilatının yanvardakı səviyyədə saxlamaq qərarının bazara müsbət təsir etdiyin bildirib. 

Neft istehsalçısı ölkələr arasındakı inamın az olduğunu qeyd edən nazir deyib: 

“Hasilatı azaltma ilə bağlı fikirlərlə vaxt itirməyə ehtiyac yoxdur. 

Çünki hasilatı azaltmayacağıq”.

Xatırladaq ki, fevralın 16-da Qətərin paytaxtı Dohada Neft İxrac edən Ölkələr Təşkilatına (OPEC) üzv bəzi ölkələr – Səudiyyə Ərəbistanı, Qətər və Venesuela ilə Rusiyanın neft nazirlərinin keçirdiyi görüşdə xam neft hasilatının stabil saxlanılmasına dair razılığa gəlinib.

 Görüşdə hasilatın yanvarın 11-də razılaşdırılan səviyyədə dondurulması barədə qərar qəbul edilib. 

Fevralın 17-də Tehranda OPEC-ə üzv ölkələr – İraq, Qətər və Venesuelanın neft nazirləri ilə keçirilən görüşü şərh edən İranın neft naziri Bijən Namdar Zəngənə isə ölkəsinin neftin qiymətinin sabitləşməsi istiqamətində atılan bütün addımları, həmçinin OPEC və qeyri-OPEC ölkələr arasındakı mövcud əməkdaşlığı dəstəklədiyini açıqlayıb.