Xəbərlər

Gün.Az apasport.az-a istinadən xəbər verir ki, yarımfinala gedən yolda Bakının “Azəryol” klubu “Novara”nın qonağı olub.

Gərgin keçən qarşılaşmada sevinən tərəf təmsilçimiz olub.

İlk matçda 3:1 hesablı qələbə qazanmış voleybolçularımıza ikinci qarşılaşmda 2 set qazanmaq kifayət edirdi.

Oyun isə gözləildiyi kimi çox gərgin məcrada keçib. İlk seti məğlub olan "yolçəkənlər" ikinci setdə çətinliklə də olsa, qalib gələ biliblər. Ziya Rəcəbovun yetirmələri 3-cü seti də uduzduqdan sonra, 4 - cü hissədə çox da güc sərf etməyərək qarşılaşmanın taleyini "Qızıl set"ə daşıyıblar.

Həlledici setdə isə 15:13 hesabı ilə qələbə qazanan "Azəryol" yarımfinala adlamağı bacarıb.

“Novara” (İtaliya) - “Azəryol” (Azərbaycan) - 3:2 (25:23, 26:28, 25:23, 25:18, 13:15)

İlk oyun: “Azəryol” (Azərbaycan) – “Novara” (İtaliya) - 3:1 (25:19; 25:17; 23:25; 25:17)