Xəbərlər

Son dövrlərdə regionların inkişafı sahəsində həyata keçirilən tədbirlər nəticəsində respublikanın şəhər və rayonlarının vergi potensialı artırılıb.

 

Gün.Az xəbər verir ki, Vergilər Nazirliyinin mətbuat xidmətindən AZƏRTAC-a 2015-ci ildə, Bakı şəhəri istisna olmaqla, respublikanın rayon və şəhərləri üzrə gəlirlər 593,4 milyon manat təşkil etdiyi və bunun da 2014-cü illə müqayisədə 18,9 faiz artım olduğu bildirilib.

 

Yerli gəlirləri hesabına xərclərini tamamilə ödəyən Sumqayıt, Abşeron, Mingəçevir, Şirvan və İmişli rayon və şəhərlərinə 2016-cı ildən Naftalan şəhəri də əlavə olunub.

 

Bundan əlavə, vergi daxilolmalarının uçotu sahəsində də müəyyən uğurlara nail olunub. Belə ki, Xəzinədarlığın İnformasiya İdarəedilməsi Sistemi yaradılıb, vergi daxilolmaları maksimal dərəcədə avtomatlaşdırılıb və “Elektron hökumət” çərçivəsində digər dövlət qurumları ilə inteqrasiya edilib.

 

Hazırda bütün büdcə və büdcədənkənar dövlət fondlarının daxilolmalarının avtomatik emalı həyata keçirilir.