Xəbərlər

Qara Qarayev 1918-ci il fevralın 5-də doğulub.1935-ci ildə Azərbaycan Dövlət Konservatoriyasında professor Rudolfdan bəstəkarlığın, Üzeyir Hacıbəylidən isə xalq musiqisinin əsaslarını öyrənib.Daha sonra təhsilini Moskva Konservatoriyasında davam etdirib. Q. Qarayev 1937-ci ildə Azərbaycan Bəstəkarlar İttifaqına üzv seçilib.“Yeddi gözəl”, “İldırımlı yollarla” baletləri, “Don Kixot”, “Alban rapsodiyası” simfonik qravürləri, “Leyli və Məcnun” simfonik poeması və s. Q.Qarayevin dünya musiqi xəzinəsinə bəxş etdiyi incilərdəndir.

 

Onu da əlavə edək ki, bu gün saat 19:00-da Filarmoniyada dahi bəstəkarın xatirəsinə həsr olunmuş konsert keçiriləcək.

 

Gecədə Qara Qarayevin, Fərəc Qarayevin və Dmitri Şestakoviçin əsərləri səslənəcək.

 

Konsertdə İspaniyada təhsil alan, Beynəlxalq müsabiqələr laureatı, Prezident təqaüdçüsü, gənc skripkaçı  Elvin Qəniyevin və Uzeyir Hacıbəyli adına Azərbaycan Dövlət Simfonik Orkestrinin ifasında D.Şestakoviçin skripka və orkestr üçün 1 saylı konserti, Fərəc Qarayevin  “Quasi una Fantasia” və Q.Qarayevin 2 saylı simfoniyası ifa olunacaq.