Xəbərlər

AZƏRTAC-a istinadən xəbər verir ki, respublikanın uğurlu inkişafı nəticəsində böyük imkanlara sahib olan Azərbaycan Dillər Universiteti (ADU) hər il çox əhəmiyyətli islahatlar keçirir.

Əməkdaşların rifahını yüksəltmək, sosial müdafiəsini daha da gücləndirmək məqsədi ilə ADU-da müxtəlif sahələrdə çalışan işçilərin əməkhaqqı daim artırılır.

ADU-nun Elmi Şurasının 3 fevral 2016-cı il tarixli qərarına əsasən, bu ali məktəbin əməkdaşlarının əməkhaqqı növbəti dəfə artırılıb.

 Universitetin təqribən 300 əməkdaşının - laborantların, baş laborantların, mütəxəssislərin, baş mütəxəssislərin, xadimələrin, rejissorun, fotoqrafın, habelə minimum aylıq əməkhaqqı alan əməkdaşların məvacibini bu il fevralın 1-dən artırmaq nəzərdə tutulub.