Xəbərlər

TANAP-ın Türkiyə hissəsində işlərin dayandırılması tikintinin davam etdiyi ərazilərdə qədim Roma dövrünə aid arxeoloji qalıqların üzə çıxmasıdır.

Azərbaycanın təbii qazının Türkiyə üzərindən Avropaya nəqli üçün tikilən layihəsi çərçivəsində Gölbaşı bölgəsində boruların düzülməsi zamanı qədim Roma dönəminə aid arxeoloji tapıntıların aşkarlanması tikintinin dayandırılmasına səbəb  olub.

Məlumata görə, Gölbaşı qəsəbəsinin Dikilitaş məhəlləsində boruların düzülməsi üçün kanal qazan buldozerlər qədim Roma dönəminə aid yeraltı otaqlara “giriblər”.

Üzərində döymə xaç rəmzləri olan dörd otağın aşkarlanmasından sonra işlər dayandırılıb.

Qeyd olunur ki, hazırda qədim Roma dövrü və VII əsrə aid olduğu ehtimal edilən otaqlarda Türkiyənin Mədəniyyət və Turizm Nazirliyinin göndərdiyi heyət tədqiqat aparır.