Xəbərlər

Bu barədə TASS informasiya agentliyi məlumat yayıb.

 Qüyd edək ki Hillari Klinton bu il keçiriləcək prezident seçkilərində Demokratiya Partiyasının əsas namizədi sayılır.

“Mən hər bir prezidentin hərbi müdaxilələrdən qaçmaq üçün əlindən gələni etməsini vacib sayıram. Bu, ilk yox, ən axırıncı vasitə olmalıdır”- deyə, xanım Klinton Ayova ştatından olan seçicilərin suallarına cavab verərkən belə bildirib. 

Onun sözlərinə görə, dövlət başçısı nəticənin ləng, darıxdırıcı və çətin əldə olmasına baxmayaraq, diplomatiyaya üstünlük verməlidir.

İranın nüvə proqramı ilə bağlı danışıqları xatırladan ABŞ-ın sabiq birinci xanımı Vaşinqtonun bölgədəki bir çox müttəfiqinin bu məsələni bombardmanla həllinin tərəfdarı olduğunu bildirib. 

“Mən dostlarımıza bunun pis fikir olduğunu başa salmaq üçün çoxlu vaxt sərf etmişəm” - deyə, o, qeyd edib.

Amerika diplomatiyasının keçmiş başçısı quru qoşunlarının İraq və Suriyaya yeridilməsinin əleyhinə olduğunu bir daha vurğulayıb.

Respublikaçılardan Ağ evin başçısı postuna rəsmi namizəd bu il iyulun 18-21-də Ohayo ştatının Klivlend şəhərində keçiriləcək partiya qurultayında, demokratların rəsmi namizədi isə iyulun 25-28-də Pensilvaniya ştatının Filadelfiya şəhərində keçiriləcək analoji forumda irəli sürüləcək.