Xəbərlər

İspaniyanın “Real Madrid” klubu 2014-cü ildə olduğu kimi bu il də ən çox qazanan klub olub.

“Kral klubu” 577 milyon avroluq gəlirlə siyahıya başçılıq edir.

İspaniyanın digər nəhəng klubu “Barselona” isə 560,8 milyon avro gəliri ilə “Real” arxasından 2-ci yeri tutub.

İlk üçlüyü isə 519,5 milyon avro gəlir əldə edən İngiltərənin “Mançester Yunayted” qapadıb.

Qeyd edək ki, siyahıda 9 ingilis, 4 italyan, 3 ispan, 3 alman və 1 fransız klubu yer alıb. Siyahıda yer alan klublardan 2014-cü ilə nisbətən gəlirini ən çox artıran klublar “Liverpul” (85,9 milyon), “Arsenal” (76,2 milyon) və “Barselona” (76 milyon) olub. Siyahıda 19-cu pillədə yer alan “İnter” klubu isə gəlirini yalnız 2 milyon artıra bilib. “Milan” klubu isə 20 klub içində bir öncəki ilə nisbətdə gəliri azalan yeganə klub olub. Bu klubun 2015-ci ildəki gəliri 50,6 milyon avro azalıb.

Fərid Ədalət