Xəbərlər

İstanbulda çörəkbişirmə sexində çalışan Yaşar Öngün lotoreyada 1 milyon lirə (təqribən 300 min dollar) udduğunu zənn edərək, işini və arvadını orada qoyub doğma şəhəri Eskişehirə qaçıb.

Məlumta görə, usta Yaşar Öngün yeni ilin ilk günü yoxa çıxıb. Sex sahibinin narahatlıqla axtardığı ustanın sorağı az sonra Eskişehirdən gəlib.

Lotoreyada biletinə 1 milyon lirə uduş düşdüyünü zənn edən Y.Öngün yanıldığını öyrəndikdə dəli olub.

Bileti təkrar yoxladıqda, ikinci rəqəmin ona lazım olan 6 yox, 8 olduğunu başa düşərək sarsılıb.

Arvadına belə xəbər vermədən İstanbuldan Eskişehirəq  qaçan Y.Öngün ində də xanımının onu evə buraxmayacağından ehtiyatlanır.

Ş.Z.