Xəbərlər

Layihə Dəcəl Balam Ailə və Uşaq İnkişaf Mərkəzi tərəfindən həyata keçirilib.

 

Layihənin tərəfdaşları - Hemofiliyalı Xəstələrin Respublika Assosiasiyası, Leykemiya ilə Mübarizə İctimai Birliyi, Diabet Liqası, Mediline Group Assistance, "Milana" Psixoloji və Nitq İnkişafı Mərkəzidir.

 

Tədbirdən əldə olunan vəsait hemofiliyalı, leykemiyalı, şəkərli -diabetli və aztəminatlı ailələrdən olan uşaqlara ödənişsiz kursların təşkilinə sərf olunacaq.

 

Dəcəl Balam Ailə və Uşaq İnkişaf Mərkəzinin, həmçinin layihənin rəhbəri Dilşad Musa tədbirə öz çıxışı ilə başalayıb.  

 

Hemofiliyalı xəstələrin respublika assosiasiyasının nümayəndəsi Mədinə Hüseynova, Leykemiya ilə Mübarizə İctimai Birliyinin rəhbəri Mehriban Bağırova, diabet liqasının rəhbəri Yeganə Sultanova və digərləri layihəyə uğurlar diləyərək hər zaman dəstək olacaqlarını bildiriblər.

 

Tədbir bir –birindən maraqlı şou proqramla davam edib. Uşaqların sevimli köpük şousu, şar şou, Şaxta Baba və Qar Qız dəcəllərin əyləncəsinə sevinc qatıb.

 

“Bir Dəcəlin Təbəssümü” foto müsabiqəsinin qalibləri hədiyyə və diplomlarla təltif olunub.

 

Şaxta babaya hemofiliyalı uşaqlar tərəfindən yazılan xüsusi məktublara bir qrup xeyriyyəçi gənc dəstək olub. Onlar uşaqların arzusunu yerinə yetiriblər.

 

Aydan