Xəbərlər

Zeynəb Xanlarova 79 yaşını başa vuraraq ömrünün 8-ci dekadasına  qədəm qoyur.

 

Qeyd edək ki, Zeynəb Yəhya qızı Xanlarova 28 dekabr 1936-cı ildə Bakı şəhərində anadan olub.

 

O, 1956-cı ildə M.Ə.Sabir adına Bakı Pedaqoji məktəbini və 1961-ci ildə A.Zeynallı adına Bakı Musiqi Texnikumunu bitirib.

 

Xalq artisti 1961-ci ildən Opera və Balet Teatrının solisti kimi fəaliyyətə başlayıb. 

 

Ü.Hacıbəyovun “Leyli və Məcnun”, “Əsli və Kərəm” operalarında Leyli və Əsli obrazlarını yaradıb.

 

Xalq artistinin repertuarında muğamlar, təsnif və Azərbaycan xalq mahnıları, bəstəkar mahnıları, şərq xalqlarının mahnıları geniş yer tutur.

 

Z.Xanlarova Azərbaycanın qadın xanəndələri arasında “Çahargah” muğamının ilk ifaçılarından biridir.

 

Haqqında “Salam, Zeynəb!” adlı sənədli televiziya filmi çəkilib.

 

 “Şöhrət” ordeni ilə təltif edilib. 

 

1975-ci ildən Azərbaycanın xalq artisti, 1980-ci ildən SSRİ xalq artisti, 1985-ci ildən Azərbaycan SSR Dövlət mükafatı laureatıdır.

 

Azərbaycan SSR Ali Sovetinin (11-12-ci çağırış) və Azərbaycan Respublikası Milli Məclisinin (1-4-cü çağırış) deputatı olub.

 

Hazırda 5-ci çağırış Milli Məclisin də deputatı, parlamentin Mədəniyyət  komitəsinin üzvüdür.

 

Kamil Həmzəoğlu