Xəbərlər

83 milyon artımla dünya əhalisinin sayı 7 milyard 391 milyon 68 min nəfər olub.

 

Statistikaya görə, dünya əhalisi hər saniyədə 2-3 nəfər çox artır. Artım daha çox inkişaf etməkdə olan ölkələrdə müşahidə edilib.

 

Məlumatda qeyd edilib ki, əgər dünya 100 nəfərin yaşadığı bir kənd olsaydı, bu kənddə hər nəfərdən 16-sı afrikalı, 60-ı asiyalı, 10-u avropalı, 5-i də Şimali amerikalı olardı. Statistikada hesab edilir ki, bu kəndin əhalisi 2050-ci ildə 133 nəfər olar. Bu zaman həmin kəndin əhalisinin 33-ü afrikalı, 73-ü asiyalı, 10-u avropalı, 6-sı da Şimali amerikalı olar.

 

Qeyd edilən statistikadan aydın olur ki, hazırda ən sürətli artımın getdiyi qitələr Afrika və Asiyada, artımın getmədiyi qitə isə Avropadır.

 

Fərid Ədalət