Xəbərlər

Xalq artisti, Akademik Milli Dram Teatrının aktrisası açıqlamasında aktyorla ən son Stefan Sfeyqin “Yad qadın”ında oynadıqlarını deyib.

 

“Ələsgərlə həddindən artıq çox sayda tamaşalarda tərəf-müqabili olmuşuq. Həmçinin qastrollar səfərlərində olmuşuq. Onunla Nazim Hikmətin “Şəhərdə manyak var” tamaşasında da oynamalı idik.

 

Amma o dedi ki, yox, bu tamaşada aktyor gərək səhnədə çox dayansın, əziyyəti çoxdur. İndi düşünürəm ki, yəqin səhhətində problemlərinə görə roldan imtina etdi” – deyə, F.Mütəllimova deyib:

 

“Mən 1980-ci ildə Akademik Milli Dram Teatrına gələndə Ələsgər artıq teatrda idi. O, ilk növbədə çox gözəl insan idi. Çox sülhsevər, humanist, sakit, hamıya hörmətlə yanaşardı.

 

Onun vəfatı xəbərini eşidəndə həddindən artıq üzüldüm, pis oldum.

 

İtirə-itirə gedirik. Doğrudan da, Ələsgərin ölümü qəfil oldu. Həmişə şux, şən adam idi. Özünün də müsahibəsində dediyi kimi, sanki gözə gəldi. Allahdan rəhmət diləyirəm. Ümid edirəm ki, 2016-cı ildən aktyorlarımızdan şad xəbərlər eşidəcəyik” .

 

Xatırladaq ki, Ə.Məmmədoğlu uzun sürən xəstəlikdən sonra dekabrın 21-də dünyasını dəyişib.

 

Aydan