Xəbərlər

Türkiyənin saxladığı Rusiyaya məxsus gəmilərin sayı 27-yə qalxıb.

 

Məlumata görə, Türkiyənin noyabrın 24-də Rusiyanın SU-24 hərbi təyyarəsini vurmasından sonra tərəflər arasında “gəmi ovu” başlayıb.

 

Bildirilir ki, noyabrın 24-dən bu yana Rusiyanın Qara dəniz limanlarında Türkiyəyə məxsus saxladığı gəmilərin sayı dekabrın 15-də 8-ə yüksəlib.

 

Ankara Moskvanın bu “gəmitutma əməliyyatı”ndan imtina etməsini gözləsə də, Rusiya Türkiyənin gəmilərini saxlamaqda davam etməklə qarşı tərəfi adekvat addımlara sövq edib.

 

Bu barədə yayılan xəbərlərə görə, dekabrın 8-dən etibarən Türkiyə də öz limanlarındakı Rusiya gəmilərinin saxlanmasına başlayıb.

 

Son məlumata əsasən, Türkiyə artıq Rusiyaya məxsus 27 gəmini saxlayıb.

 

A.Zeynalov