Xəbərlər

Meksika səfirliyindən verilən məlumata görə, film rus dilində olan altyazılarla ispan dilində nümayiş olunacaq. 

Bu tədbirin təşkil olunması Meksikanın Azərbaycandakı səfirliyi ilə Xəzər Universiteti arasında əməkdaşlığa əsaslanır.

Meksikalı yazıçı Anxeles Mastrettanın eyni adlı romanı əsasında çəkilmiş “Həyatımı canlandır”  əsəri dram janrındadır. Filmdəki hadisələr Meksikanın Puebla şəhərində, 1930-cu illərdə baş verir. Bu əsər Meksikanın Kinematoqrafiya Elmi və İncəsənəti Akademiyası tərəfindən xarici dildə ən yaxşı film kateqoriyası üzrə 2009-cü ilin Oskar mükafatı naminə Meksikanı təmsil etmək üçün seçilmiş və 67 namizəd arasında 9 yarımfınalçıdan biri olub.

Meksika ilə Azərbaycan arasında müxtəlif sahələr üzrə əməkdaşlıq üçün geniş potensial var. Bu xüsusda mədəniyyət və təhsil sektorunda əməkdaşlığın inkişafı qeyd olunur. Hər iki ölkənin zəngin minilliklər mədəniyyəti var: bir sıra milli dəyərlər YUNESKO tərəfindən Bəşəriyyətin Mədəni İrs siyahısına daxil edilib.