Xəbərlər

Dekabrın 4-də “Günəşli” yatağındakı 10-cu özüldə baş vermiş yanğınla əlaqədar SOCAR prezidenti Rövnəq Abdullayev bu gün səhər saatlarında platformadakı hadisə yerində olub.

ERtv.Az xəbər verir ki, bu barədə SOCAR-ın "Facebook" səhifəsində məlumat yerləşdirilib.

Qeyd edək ki, dünən güclü tufan saat 17.40 radələrində “Günəşli” yatağındakı 10-cu dərin dəniz özülündə qaz xəttini sıradan çıxarıb, nəticədə yanğın olub.

İlk növbədə özüldəki işçilərin təxliyyə olunması istiqamətində tədbirlərə başlanılıb. Dalğanın hündürlüyü gəmilərin platformaya yaxınlaşmasına ciddi problemlər yaradıb. Lakin buna baxmayaraq, Fövqəladə Hallar Nazirliyinin xilasetmə dəstələri tərəfindən Xəzər Dəniz Gəmiçiliyinin “Vixr-9” və “Topaz” yanğınsöndürən gəmiləri, habelə “Avyor” dalğıc və “Samir Quliyev” yedək gəmiləri vasisi ilə təxliyyə işləri həyata keçirilib.

42 nəfər işçi yanğın baş verən ərazidən təxliyə olunub, itki yoxdur.