Xəbərlər

Beynəlxalq Avtomobil Federasiyasının (FIA) Parisdə keçirilən Baş Assambleyasının illik iclasında avtomobil idmanı sahəsində bir sıra mühüm qərarlar qəbul edilib.

ERtv.Az Azərbaycay Avtomobil Federasiyasına istinadən xəbər verir ki, 2016-cı il “Formula 1” yarışlarının təqvimi və gələn il Bakıda keçiriləcək “Formula 1” Avropa Qran-Prisinin yekun tarixi təsdiq olunub.  

Xatırladaq ki, Bakıda bu mötəbər yarış iyulun 19-da keçiriləcək.

Qeyd edək ki,  iclas çərçivəsində  Azərbaycan Avtomobil Federasiyası tərəfindən Bakıdakı “Formula 1” yarışları ilə bağlı bir sıra ikitərəfli görüşlər keçirilib.

Xatırladaq ki, 30 noyabr - 4 dekabr tarixlərində Parisdə Beynəlxalq Avtomobil Federasiyasının Baş Assamleyasının illik iclası keçirilir. 

İclasda Azərbaycan Avtomobil Federasiyasının prezidenti Anar Ələkbərov və Federasiyanın nümayəndələri iştirak edirlər. 

Qeyd edək ki, iclasda Azərbaycan Avtomobil Federasiyası iclasda FIA-nın mobillik sahəsi üzrə üzvü seçilib. 

Beynəlxalq Avtomobil Federasiyasının üzvü olan Azərbaycan Avtomobil Federasiyası bundan sonra, həmçinin yol hərəkəti təhlükəsizliyi, avtomobil turizmi kimi beynəlxalq layihələr həyata keçirəcək. 

Mobillik avtomobil sahəsinə aid bütün mövzuları özündə cəmləşdirir. Buraya təhlükəsizlik, ətraf mühit, turizm və s. kimi önəmli sahələri aid etmək olar. Mobillik siyasətinin başlıca məqsədi yol hərəkəti iştirakçılarının təhlükəsizliyinin yüksək səviyyədə təmin olunmasıdır. 

FIA-nın Parisdəki Baş Assambleyasının iclası çərçivəsində Azərbaycan Avtomobil Federasiyası Bakıda 2016-cı ildə keçiriləcək “Formula 1”in təşkilatçısı kimi yarışa hazırlıqla bağlı bir sıra görüşlər keçirib.