Xəbərlər

Mədəniyyət və Turizm Nazirliyinin və Bakı Şəhər İcra Hakimiyyəti Aparatının Kino Xidməti İdarəsinin təşkilati dəstəyi ilə layihə çərçivəsində milli qəhrəmanlar Sərdar Səfərov və Cavanşir Rəhimov haqqında dövlət sifarişı ilə çəkilən “Portret” (“Yaddaş” kinostudiyası, rejissor Fariz Əhmədov) və “Cavanşir” (rejissor Kəmalə  Musazadə) sənədli filmlərinin nümayişi keçirilib.

 

Tədbirdə milli qəhrəman Sərdar Səfərovun ailə üzvləri adından bacısı Gülnaz Şəmşirli çıxış edib, qardaşı haqqında xatirələrindən danışıb.

 

Tədbirin aparıcısı bu mövzuda olan filmlərin gənc nəslə örnək olduğunu və onların vətənpərvərlik ruhunda yetişmələrində böyük rol oynadığını söyləyib. Həmçinin hər il keçirilən kinohəftənin əsas məqsədi torpaqlarının azadlığı və ərazi bütövlüyü naminə şəhid olmuş igid oğulların xalqın yaddaşından silinməməsinə yönəldiyini qeyd edib. 

 

Xatırladaq ki, “Nizami” Kino Mərkəzində “Milli Qəhrəmanlar” həftəsi çərçivəsində növbəti sənədli filmin nümayişi noyabrın 30-da saat 15:30-da  keçiriləcək.