Xəbərlər

B.Kostova birdən qaldırmada ilk cəhdində öhdəsindən gələ bilmədiyi 109 kq-ı, ikinci cəhddə asanlıqla başı üzərinə qaldırıb.

 

Bununla da o, özünəməxsus olan Avropa rekordunu təkrarlayıb. Üçüncü cəhdində isə B.Kostova 112 kq-ı başı üzərinə qaldırıb. Bu isə yeni dünya rekordu deməkdir. Əvvəlki rekord 111 kq ilə çinli Çen Yanginqə məxsus idi.

 

Təkanla qaldırma hərəkətinə Kostova 136 kq-ı rahat ram etməklə başlayıb. İkinci yanaşmada 140 kq sifariş olunub.  O, bu çəkinin öhdəsindən üçüncü cəhdində gəlib.

 

Belədə, toplam 252 kq (112+140) nəticə ilə Kostova Azərbaycan qadın ağır atletikası tarixində ilk dünya çempionu adını qazanıb, bundan başqa Avropa rekordunu yeniləyib. Ümumilikdə Kostova bu turnirdə 6 rekord – 2 dünya və 4 Avropa rekordu qırıb.