Xəbərlər

Forumda 33 ölkədən 250 firma və şirkətin, eləcə də investisiya fondları və bankların nümayəndələri, həmçinin Dünya Bankı, Beynəlxalq Maliyyə Korporasiyası, Asiya İnkişaf Bankı və digər maliyyə institutlarının rəhbərləri, ekspertlər iştirak ediblər.

Forumda Özbəkistan Baş nazirinin birinci müavini, maliyyə naziri Rüstəm Əzimov ölkəyə sərmayə qoyulması haqqında ətraflı məlumat verib, investorların hüquqlarının qorunması istiqamətində yaradılan qanunvericilik bazasından danışıb.

Dünya Bankının vitse-prezidenti Sirip Müller, Asiya İnkişaf Bankının baş direktoru Xuan Miranda, Avropa Şurasının Mərkəzi Asiya ölkələri üzrə xüsusi nümayəndəsi Piter Burian və başqa çıxış edənlər Özbəkistanın müstəqillik illərində qazandığı iqtisadi uğurlardan danışaraq ölkəyə sərmayə yatırmaq üçün əlverişli şərait yaradıldığını bildiriblər.

Forumun yekununda 12,4 milyard dollar həcmində 104 saziş və memorandum imzalanıb.