Xəbərlər

 “Posta” qəzetinə istinadən xəbər verir ki, ötən bazar günü Türkiyədə keçirilmiş seçkilərin nəticələrini dəyərləndirən prezident Rəcəb Tayyib Ərdoğan müxalifət partiyalarını da tənqid edib.

 

R.T.Ərdoğan seçkilərin nəticələri məlum olduqdan sonra verdiyi açıqlamada Türk xalqının öz seçimi ilə terrora nifrətini yenidən ortaya qoyduğunu önə çəkib:

 

“Şübhəsiz ki, ən önəmli mesaj bölücü terror şəbəkəsi və onun nəzarətindəki təsisatlaradır.

 

7 iyun seçkilərindən sonra Türkiyəni yenidən silahın, bombanın, zorakılığın, qanın, göz yaşının, terrorun kölgəsinə salmağa çalışan o şəbəkəyə əziz millətimiz tutarlı cavab verib”.

 

Türkiyə prezidenti öz çıxışında müxalifət partiyalarını da tənqid edərək onları qeyri-konstruktivlikdə qınayıb:

 

“Seçkilərdə ikinci və üçüncü yeri tutan partiyaların inkarçılıq və qisasçılıq mövqelərini koalisiya danışıqlarında da davam etdirmələrinin millətimiz tərəfindən qəbul olunmadığı bir daha təsdiqləndi”.