Xəbərlər

Teatrın mətbuat xidmətindən Gün.Az-a verilən məlumata əsasən, oktyabrın 30, 31-də və noyabrın 1-də saat 12.00, 14.00 və 19.00-da tamaşaçılara təqdim olunacaq

 

“Qafqazlı qardaşqızı” (R. Hacıyev), “Kimdir müqəssir?” (Ə. Haqverdiyev), “Dəcəl çəpişlər” (O. Zülfüqarov, R. Heydər) və “Mən dəyərəm min cavana” (E. Sabitoğlu, T. Vəliyeva) tamaşalarından gedir.

 

Tamaşaçılar 3 gün ərzində nümayiş olunacaq bu səhnə əsərlərində sevimli aktyorlar – xalq artisti  İlham Namiq Kamal, əməkdar artistlər Çingiz Əhmədov, Səidə Şərifəliyeva, Əkbər Əlizadə,  aktyorlar Şaban Cəfərov, Marina Litvinenko, Rauf Babayev, Emil Heydərov, Gülçöhrə Abdullayeva, Ağaxan Şərifov, Gülnarə Əzizova, Ruslan Mürsəlov, Mehriban Zalıyeva, Elçin İmanov, Elməddin Dadaşov, Elnarə Nağdəliyeva və başqalarının ifalarını izləyə biləcəklər.

 

Qeyd edək ki, Musiqili Teatr bu həftə də həm balaca, həm də rusdilli tamaşaçılarını unutmayıb. Belə ki, oktyabrın 30-da saat 19.00-da R. Hacıyevin “Qafqazlı qardaşqızı” əsəri rus dilində, 31-də saat 12.00, 14.00 və noyabrın 1 –də 12.00-da O. Zülfüqarov və R. Heydərin “Dəcəl çəpişlər”  tamaşası isə uşaqlar üçün nümayiş olunacaq.

 

Musiqili Teatr həftə sonunu səmərəli keçirmək istəyən və həftəni xoş notlarla başa vurmaq arzusunda olan hər kəsi bu bir-birindən maraqlı olan tamaşalara baxmağa dəvət edir.

 

Qeyd edək ki, bir biletin qiyməti yerindən asılı olaraq 6-10 manat arasında dəyişir.