Xəbərlər

Oyunun 31-ci dəqiqəsində “Qəbələ”nin müdafiəçilərinin səhvindən sonra topu ələ keçirən qonaqlar hesabı açıblar. Reusun ötürməsini Abameyanq dəqiq zərbə ilə tamamlayıb – 0:1. Oyunda ilk hissə qonaqların 0:2 hesablı üstünlüyü ilə başa çatıb.

Qarşılaşmanın 72-ci dəqiqəsində Aubameyanq üçüncü qolu “Qəbələ”nin qapısından keçirərək het-trikə imza atıb – 0:3.

Oyunun əsas vaxtına əlavə edilən dəqiqələrdə “Qəbələ”nin kapitanı Dodo rəqib qapısına yol taparaq komandasının təsəlli qolunu vurub, hesabı 1:3 edib. 

Qeyd edək ki, “Qəbələ”nin start heyətində meydana Dmitri Bezotosnı, Vojislav Stankoviç, Vitali Vernidub, Rikardinyo, Arif Daşdəmirov, Dodo, Aleksey Qay, Derlis Meza Kolli, Sergey Zenyov, Fakundo Pereyra və Aleksey Antonov çıxıblar.

Qonaqların start heyətində isə Roman Veydenfeller, Jo Ho Park, Mats Hummels, Sakratis Papastatopoulos, Mattias Ginter, Julian Veyql, Jonas Hofmann, İlkay Gündoğan, Marko Roys, Sinci Kaqava və Pyer-Emerik Abameyanq yer alıblar.