Xəbərlər

“Kanal–S”-in təşkilatçılığı ilə baş tutan tədbirdə xalq artisti Nuriyyə Əhmədovanın xatirəsi yad edilib. Onunla görüş zamanı lentə alınan kadrlar nümayiş olunub.  

 

Tural Səmədovun ideya müəllifliyi əsasında rejissor Mais Zeynalovun  çəkdiyi “50 ilin sehri” sənədli filmində “Sehirli xalat”da çəkilən aktyorların xatirələri və filmdən fraqmentlər tamaşaçıları o dövrlərə qaytarıb.

 

Filmdən sonra çıxış edənlər filmin rejissoru Əlisəttar Atakişiyevi, ekran əsərində çəkilmiş Əliağa Ağayev, Möhsün Sənani, Ağahüseyn Cavadov, Anatoli Falkoviç və Hüseynağa Sadıxov kimi sənətkarlarları yad ediblər.

 

Filmdə çəkilmiş aktyorların, Zərifə obrazını yaratmış S.Hətəmovanın, Y.Şeyxovun, A. Mustafayevanın,  çəkilişlər haqqında xatirələri maraqla qarşılanıb.      

 

Təqdimat mərasimində Mədəniyyət və Turizm Nazirliyinin əməkdaşları, sənət adamları, “Kanal–S”-n əməkdaşları  və digər qonaqlar iştirak edib.