Xəbərlər

“Neftçi” klubunun AFFA vasitəsilə FİFA-nın “Mübahisəli Məsələlərin Həlli Şurası”na ünvanladığı rəsmi müraciətə müsbət cavab verilib.

Belə ki, FİFA futbolçunun “Neftçi”də çıxış edə bilməsi üçün AFFA-ya müvəqqəti qeydiyyat səlahiyyətini verib. Bunun əsasında Cavid İmamverdiyev növbəti oyunlarda meydana çıxa biləcək. Müvəqqəti qeydiyyat icazəsi  “Mübahisəli Məsələlərin Həlli Şurası”nın çıxaracağı yekun qərara qədər qüvvədə olacaq.  

Qeyd edək ki, Cavid ötən mövsüm icarə əsasında Türkiyənin “Elazığspor” klubunda çıxış edib. Klub futbolçu ilə müqaviləyə erkən xitam haqqında FİFA-ya şikayət ünvanlayıb. Şikayət səbəbindən İmamverdiyevin “Neftçi”də oynamasına maneə yaranmışdı.