Xəbərlər

 “Posta” qəzetinə istinadən xəbər verir ki, İtaliya Senatının üzvü Lusio Baraninin qadın həmkarı Barbara Lezzinin çıxışı zamanı göstərdiyi əl hərəkəti kəskin narazılıq doğurub.

 

İddiaya görə, senator L.Barani Senat sədrindən senator Çiro Falanqanın çıxışına müdaxilə etməsini istəyən “5 Ulduz hərəkatı” fraksiyasının üzvü Barbara Lezziyə oral seksi işarə edən əl hərəkəti göstərib.

 

Bundan sonra əyləşdiyi yerdən çığırmağa başlayan B.Lezzi Senat sədrindən L.Baraninin cəzalandırılmasını tələb edib.

 

L.Baranı isə bu iddiaları rədd edərək, hərəkətini belə əsaslandırıb:

 

“Mənim fraksiyamın üzvünün çıxışının çox uzandığını söyləyərək, buna müdaxilə etmək istəyirdilər.

 

Mən də, “Baxın, bacarmadınız, o, danışmağa davam edir” mənasında mikrofona işarə etdim. Onlar hərəkətimi yanlış anladılar”.