Xəbərlər

AZƏRTAC-a istinadən xəbər verir ki, məqalədə bildirilib ki, “Yallı” rəqsinin bir növü olan “Köçəri” qədim tarixə malikdir. Bu rəqs Azərbaycanda əsasən Naxçıvan Muxtar Respublikasının Şərur, Culfa, Şahbuz, Sədərək, Kəngərli rayonlarında və Qərbi Azərbaycan ərazisində daha çox yayılıb.

Vurğulanıb ki, Azərbaycanın başqa rəqsləri kimi, “Köçəri” də üç hissədən ibarətdir. Burada rəqqaslar ayrı-ayrı məqamlarda bir-birinin kəmərindən tutaraq halay çəkir. Bu ritmik rəqs əsasən balaban və nağara ilə müşayət olunur. Rəqsi əsasən kişilər ifa edirlər. Qarışıq, yəni kişilərin və qadınların “Köçəri”si də maraqlı olur. “Köçəri”ni nadir hallarda yalnız qadınlar ifa edir.

Məqalədə, həmçinin diqqətə çatdırılıb ki, 2015-ci ilin iyununda Bakıda keçirilən birinci Avropa Oyunlarının açılışı mərasimi “Yallı” ilə başlayıb və çoxsaylı rəqqasın ifası tamaşaçılar tərəfindən böyük maraqla qarşılanıb.