Xəbərlər

AF.Media şirkətinin təqdimatı ilə Azərbaycan dilində subtitrlərlə nümayiş olunacaq “Dabbe 6” - qorxu janrında çəkdiyi filmlərə  damğasını vuran türk rejissoru Hasan Karacadağın növbəti ekran işidir. Kinolent  tamaşaçıları bir daha həyəcan və gərginlikdə saxlayacaq. Filmin sloqanı: “Ey ölümlü, Bu sana 6. Uyarı...!”. Yaş həddi: 16+

 

Həkim olan Zeren və baçısı Ayla bir gecə anidən analarını itirirlər. Ölümün beyin qanamasından baş verdiyinə inanmayan Ayla bu işdə qara qüvvələrin əli olduğunu hesab edir və yanılmır...

          

Baş rollarda Sema Şimşek, Fehmi Karaarslan, Volkan Ünal, Nilay Gök,  Ömer Duran, Burak Çimen, Murat Seviş və  Elçin Atamgüç çəkiliblər.

          

Həmçinin, həmin gündən etibarən ABŞ istehsalı olan  “Labirintdə qaçan: Alovla sınaq” filminin nümayişi başlanıb.       

Rejissor Ues Bollun çəkdiyi bu film fantastika, triler və döyüş janrındadır. Sloqanı: “Labirint lakin başlanğıc idi!”. Yaş həddi: 12+

          

Labirinti keçmiş olsalar da, Tomas, Tereze, Minxo və digərləri özlərini rahat hiss etmirlər. Sirli qüvvələr onlara yeni və daha qorxulu ölümcül sınaqlar hazırlayıblar.

          

Bu dəfə onlar alovlu səhranı və orada qarşılarına çıxacaq təhlükəli məxluqları fəth etməlidilər...

          

Baş rollarda Dilan Obrayen, Ki Xon Li, Kaya Skodelario, Tomas Senqster, Dekster Darden, Aleks. C.Flores, Ceykob Loflend, Roza Salazar, Cankarlo Espozito və  Patrişiya Klarkson çəkiliblər.             

 

Filmlər  haqqında daha ətraflı məlumatı "Nizami" Kino Mərkəzinin "Facebook"   səhifəsindən öyrənə bilərsiniz. https://www.facebook.com/NizamiCinema?rf=hl