Xəbərlər

The Independent nəşrinə istinadən xəbər verir ki, bu dəfə fransız jurnalistlər Türkiyə sahillərində meyiti dənizdən çıxarılmış 3 yaşlı suriyalı körpə Aylan Kurdinin karikaturasını çəkiblər. 

Xatırladaq ki, Suriyadan qaçqın olan A.Kurdi dənizdə batıb və onun sahilə çıxan meyitinin fotosunu dünyanın demək olar ki, bütün KİV-ləri dərc ediblər. 

“Charlie Hebdo” isə həmin fotonu təkrar edən şəkil verib, arxa fonda restoranın reklam aksiyasını əks etdirib və yazıb: “Aksiya! Bir uşaq menyusu qiymətinə iki uşaq menyusu”. Şəklin yanında isə “Məqsədə çox yaxın...” yazılıb. 

İkinci şəkildə isə, uşaq tam olaraq suda batmış kimi göstərilib. Görünən ancaq onun ayaqlarıdır. Onun yanında İsa Peyğəmbər dayanıb və deyir: “Xristianlar suyun üstü ilə gəzir. Müsəlman uşaqları batır”. Karikatura “Avropanın xristian olmasına sübut” başlığı ilə verilib.