Xəbərlər

ANS-Press-ə istinadən verdiyi xəbərə əsasən, turnirdə 120 şahmatçı iştirak edəcək. 

Qaliblər olimpiya sisteminə uyğun müəyyənləşdiriləcək. 

Püşkatmaya görə ilk raundda Şəhriyar Məmmədyarov İranlı İdani Pouya, Teymur Rəcəbov ABŞ təmsilçisi erməni əsilli Samuel Sevyanla, Rauf Məmmədov Rusiya şahmatçısı Yevgeni Nayerlə, Qədir Hüseynov Rusiyalı Maksim Matlakovla, Vasif Durarbəyli Ukrayna şahmatçısı Anton Korobovla və nəhayət Eltac Səfərli isə Macarıstan təmsilçisi Ksaba Balogla qarşılaşacaq. 

Ermənistanı bu yarışmada Levon Aronyan, Qabriel Sarqsyan, Qrant Melkumyan və Samvel Ter-Saakyan təmsil edəcəklər. Varujan Akopyan və Samuel Sevyan isə ABŞ bayrağı altında çıxış edəcəklər. Varujan Akopyanın rəqibi çexiyalı Viktor Laziçka olacaq. Samuel Sevyan isə Teymur Rəcəbovla qarşılaşacaq. 

Yarışlar oktyabrın 5-dək davam edəcək.

Dünya kubokunun mükafat fondu 1600000 dollar təşkil edir.