Xəbərlər

APA-ya istinadən xəbər verir ki, vida mərasimində mədəniyyət və turizm naziri Əbülfəs Qarayev, nazir müavini Ədalət Vəliyev, Akademik Milli Dram Teatrının direktoru İsrafil İsrafilov, aktyorun sənət dostları iştirak edib.

 

Ə. Vəliyev çıxış edərək İ. Əsgərovun Azərbaycan teatrının inkişafındakı xidmətlərindən, ömür yolundan danışıb və onun yoxluğunu Azərbaycan mədəniyyəti üçün itki kimi dəyərləndirib.

 

Vida mərasimindən sonra İ. Əsgərovun cənazəsi dəfn olunmaq üçün Masallı rayonuna yola salınıb.

 

Xatırladaq ki, İ.Əsgərov dünən gecə öz evində qəflətən insult keçirməsi nəticəsində vəfat edib.

 

İlham Əsgərov 1958-ci il sentyabrın 3-də doğulub. O, 1982-ci ildən Akademik Milli Dram Teatrının aktyoru kimi fəaliyyət göstərib.

 

2006-cı ildə xalq artisti fəxri adına, 2012-ci ildən isə  Prezident Mükafatına layiq görülüb.