Xəbərlər

“Xalq Cəbhəsi” qəzetinin baş redaktoru Elçin Mirzəbəyli özünün “Facebook” səhifəsində dünya düzənini təkbaşına müəyyənləşdirməyə çalışan ABŞ-ın əsas beynəlxalq konvensiyalara qoşulmadığını diqqətə çatdırıb:

 

“Azərbaycana qarşı əsassız ittihamlarla çıxış edən ABŞ Dövlət Departamentinin və onun maliyyələşdirdiyi təşkilatların mülahizələrinə qarşı “çevir tatı, vur tatı” arqumentləri ilə çıxış edən əlahəzrət ekspert və politoloqların nəzərinə:

 

Dünyaya insan hüquq və azadlıqları ilə bağlı “dərs keçməyə” çalışan ABŞ özündə nəzarət mexanizmlərini əks etdirən 9 əsas beynəlxalq müqavilədən yalnız 3-də - İrqi ayrl-seçkiliyin bütün növlərinin ləğvi haqqında Konvensiya” (1965), “Mülki və siyasi hüquqlar haqqında Beynəlxalq Pakt (1966) və İşgəncələr əleyhinə Konvensiya (1984) – iştirak edir və Birləşmiş Ştatların beynəlxalq hüquqi öhdəlikləri bununla məhdudlaşır.

 

ABŞ bu günədək İqtisadi, sosial və mədəni hüquqlar haqqında Beynəlxalq Paktı (1966) və Qadınlara qarşı bütün növ ayrıseçkiliyin ləğvi barədə (1979), Uşaq hüquqları haqqında (1989), Əmək miqrantlarının və onların ailələrinin hüquqlarının qorunması haqqında (1990), Əlillərin hüquqları haqqında (2006) konvensiyaları ratifikasiya etməyib”.