Xəbərlər

Euronews-a istinadən xəbər verir ki, bu barədə məlumatı saytın sahibi olan Kanada şirkəti “Avid Life Media” verib.

Kompaniya hakerlər haqqında məlumat üçün yarım milyon dollar mükafat elan edib.

 Hakerlər bu kompaniyaya aid olan bütün tanışlıq saytlarının bağlanmasını tələb edirlər. Əks halda onlar məlumatları yayacaqlarını bildiriblər.

Hədə-qorxularının yalan olmadığını nümayiş etdirmək üçün hakerlər əldə etdikləri şəxsi məlumatların bir hissəsini dərc ediblər. Bundan sonra məlumatları dərc edilən iki nəfər intihar edib.  

Bundan başqa külli miqdarda pul müqabilində məlumatlar olan faylları məhv etməyi təklif edən dələduzlar da peyda olublar.

Polis ehtiyat edir ki, cinayətkarlar ABŞ-ın hökumət, prezident administrasiyası, hərbi nazirliyin də məmurları daxil olmaqla çoxlu sayda dövlət qulluqçusunu şantaj edə bilərlər. Bu saytda çoxlu sayda insan işlədiyi dövlət idarəsinin rəsmi elektron ünvanından, o cümlədən Ağ Evin e-mail ünvanı vasitəsilə qeydiyyatdan keçiblər.