Xəbərlər

Misir Mədəniyyət Mərkəzinin müdiri Dr. Ahmed Sami Elaydi qonaqlara Mərkəzin yaranma tarixi, fəaliyyəti və Azərbaycanla mədəniyyət sahəsində əməkdaşlıq haqqında məlumat verib.

Öz növbəsində Yaradıcılıq Fondunun aparat rəhbəri Qismət Rüstəmov dəvət etdiyi üçün Misir Mədəniyyət Mərkəzinin müdirinə öz təşəkkürünü bildirib.

Görüşdə Mərkəz və Fond arasında əməkdaşlığa və bəzi müştərək tədbirlərin keçirilməsinə dair təkliflər irəli sürülüb.

Bu təkliflərdən biri yaxın vaxtlarda Misirdən bir yazıçı-şairin Azərbaycana dəvət olunaraq yaradıcılıq gecəsinin keçirilməsi olub. Daha sonra Misir Mədəniyyət Mərkəzində Azərbaycan gənc yazıçıları ilə görüş keçirilməsi, Misirdən bəzi musiqiçi və sənətçilərin Azərbaycana, Azərbaycandan isə Misirə göndərilməsinə dair müzakirələr aparılıb.