Xəbərlər

“Bakı Metropoliteni” QSC-dən Gün.Az-a bildirilib ki, artıq avqustun 8-dən etibarən Bakı metropolitenində yeni vahid ödəniş kartlarının istifadəsinə başlanılıb. Bu vaxtadək 57 minə yaxın “BakıKart” (plastik) və 2 min 500-dən artıq “BakıKart məhdud istifadə üçün” kart satılıb. 

Kartların istər satışı, istərsə də sərnişinlərin bu yeniliyə uyğunlaşması proqnozlaşdırılan axarla davam edir. Kartlar yeni olduğundan sərnişinlərin, əlavə olaraq yenidən məlumatlandırılmasına və suallarının cavablandırılmasına ehtiyac yaranır. Keçid dövrü üçün bu vəziyyət normal qəbul edilir və xidmətin müvafiq işçiləri, həmçinin “BakıKart”ın təlimatlandırılmış nümayəndələri sərnişinləri lazım olan bütün informasiya ilə təmin edirlər.