Xəbərlər

Massaçusets Texnologiya Universitetinin nəzdindəki institutun mütəxəssisləri tərəfindən hazırlanmış datçik həkimlərə adi alətlərin tətbiqindən əvvəl xərçəng şişinin ölçüsündəki kritik dəyişiklikləri aşkarlamağa imkan verir.

Tədqiqatın müəllifi Maykl Çima bildirib ki, biz xərçəng şişində baş verən dəyişikliklər haqqında məlumat verə bilən qurğu yaratmağı qarşımıza məqsəd qoyduq. Artıq xərçəng şişinin kiçilməsini görmək üçün aylarla gözləməyə ehtiyac yoxdur. Müalicənin düzgün istiqamətdə aparıldığını bilmək üçün datçik vasitəsilə ilkin məlumatları əldə etmək kifayətdir.

Qurğu hələki yalnız siçovullar üzərində sınaqdan keçirilib. Mütəxəssislərin fikrincə, belə datçiklərin insan orqanizminə tətbiqinin nə dərəcədə təhlükəsiz olduğunu öyrənmək üçün əlavə tədqiqatlar aparılmalıdır.