Xəbərlər

bu barədə Özbəkistanın milli günü münasibətilə keçirdiyi brifinqdə bu ölkənin Azərbaycandakı səfirliyinin müşaviri Cahangir Aminov bildirib. 

 

Onun sözlərinə görə, baxmayaraq ki, iki ölkə arasında çox gözəl münasibətlər var, əlaqələr inkişaf edir, amma ticarət dövriyyəsinin bu həcmi  bizi qane  etmir:

 

“Biz ticarər dövriyyəsinin həcminin artırılmasına dair  razılığa gəlmişik. Bu istiqamətdə  danışıqlar davam edir. Əminəm ki, növbəti illərdən ticarət dövriyyəsinin həcmi daha da artacaq və biz bunun şahidi olacağıq. Eyni zamanda bu məqsədlə Ticarət evinin açılması nəzərdə tutulur”.

 

Diplomat bildirib ki, Azərbaycana  Özbəkistanın  istehsal etdiyi bir neçə növ model minik avtomobilləri,  iri və orta tutumlu sərnişin avtobusları, kənd təsərrüfatı və səneyi  məhsulları, ehtiyat hissələri, tekstil ixrac olunur.

 

Azərbaycandan isə neft- qaz sənaye avadanlıqlarıvə  kimya məhsulları ixrac olunur. Bundan əlavə Özbəkistanda 40- a yaxın Azərbaycan şirkəi bu ölkədə  fəaliyyət göstərir. Onun sözlərinə görə, hazırda  tərəflər arasında 200 növ məhsulun ixraxı üçün danışıqlar gedir.

 

Ölkənin müstəqillik illərində keçdiyi inkişaf yolundan da danışan C.Aminovun sözlərinə görə, ötən  24 il ərzində Özbəkistan dinamik inkişaf yolu keçib, məhz bunun nəticəsində ölkə iqtisadiyyatına 190 milyard dollar sərmayə qoyulub,  iqtisadiyyat 5,5 dəfə inkişaf edib.

 

Özbəkistan iqtisadiyyatı artıq o səviyyəyə çatıb ki, özünü kənd təsərrüfatı və qida məhsulları ilə demək olar ki, təmin edir. Bunun nəticəsi olaraq başqa ölkələrindən kənd təsərrüfatı məhsullarının ixracı dayandırılıb. Ölkədə kiçik və orta biznesin inkişafına böyük diqqət yetirilir. İndi demək olar ki, hər ailə kiçik bizneslə məşğul olur. 

 

Diplomat ölkə prezidentinin  aztəminatlı ailələrin sosial vəziyyətinin yaxşılaşdırılmasına xüsusi diqqət ayırdığını,  büdcənin 34 faizinin səhiyyə, 30 faizdən çoxunun isə təhsil sahəsinə yönəldildiyini söyləyib. 

 

Ölkədə avtomobil sənayesi, maşınqayırma, neft -qaz, və kimya sənayesi, aqrar sektor və digər sahələr inkişaf etdirilir. Bir sözlə, qısa müddət ərzində Özbəkistan  dinamik inkişaf edən dövlətə çevrilib.