Xəbərlər

Q.Paşayeva bələdiyyə sədri Mete Memişlə görüş zamanı Azərbaycan  ilə  Türkiyənin bəzi  şəhərlərinin və bələdiyyələrinin qardaş şəhərlər  və  bələdiyyələr olduğunu bildirərək,  Dədə Qorqud, Bamsı Beyrək kimi tarixi qəhrəmanlarımıza qucaq açmış qədim Bayburtla  Azərbaycan bölgələrindən  biri  ilə qardaş olaraq görmək  istədiklərini  bildirib.

 

Deputat bələdiyyə sədri ilə Dağlıq Qarabağ problemi, Xocalı Soyqırımı, qondarma “erməni soyqırımı” ilə bağlı  da fikir mübadiləsi aparıb və yaxın zamanlarda  Bayburtun mərkəzi  parklarından birinə  Qarabağ adının veriləcəyinə, Xocalı Soyqırımı abidəsinin qoyulacağına, mərkəzi küçələrdən birinə Azərbaycan adınının veriləcəyinə  inandığını deyib.

 

Azərbaycanın qədim şəhəri Ağdamın Ermənistan tərəfindən işğalından bu gün 22 il ötür deyən Q.Paşayeva şəhidlərimizi rəhmətlə anırıq və inanırıq ki, birlik və bərabərlik içində işğal altında olan torpaqlarımızı azad edəcəyik və Beynəlxalq Dədə Qorqud festivallarını orada da keçirə biləcəyik deyib.

 

Azərbaycanı sevdiyini deyən Bayburt  bələdiyyə başqanı Türkiyənin  və Azərbaycanın bir millət iki dövlət olduğunu vurğulayaraq  Bayburt   bələdiyyəsinə rəhbərliyi dövründə  Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini bildirib.

 

M.Memiş  hər zaman qardaş Azərbaycanın yanında olduqlarını və Q.Paşayevanın  Bayburtda  Qarabağ  adını daşıyan parkın, Azərbaycan adına küçənin verilməsi təklifini müsbət qiymətləndirdiyini deyərək yaxın zamanlarda bu təklifin reallaşacağını bildirib.