Xəbərlər

 “Posta” qəzetinə istinadən xəbər verir ki, yerli vaxtla gecə 03:10 dəqiqədə başlayan hava əməliyyatında Türkiyə Hərbi Hava Qüvvələrinin 4 ədəd F-16 hərbi təyyarəsindən istifadə olunub.

Məlumata görə, aviazərbələr zamanı İŞİD-in Türkiyənin cənub-şərq sərhədlərində - Suriyanın Havar kəndi yaxınlığında yerləşən İŞİD mövqeləri hədəfə alınıb.

Türkiyə Hərbi Hava Qüvvələrinin həyata keçirdiyi bu əməliyyata bir gün əvvəl İŞİD döyüşçüləri ilə atışmada həlak olmuş zabit Yalçn Nanənin şərəfinə “Şəhid Yalçın əməliyyatı” adı verilib.

Əməliyyatla bağlı o da qeyd olunur ki, Türkiyə təyyarələri İŞİD mövqelərinə Suriya ərazisinə daxil olmadan zərbələr endirib.