Xəbərlər

Bu barədə baş prokurorun müavini, Baş prokuror yanında Korrupsiyaya qarşı Mübarizə İdarəsinin rəisi Kamran Əliyev idarənin bu ilin ilk 6 ayı ərzində gördüyü işlərə dair hesabat konfransında məlumat verib.

 

O bildirib ki, hesabat dövründə Baş prokuror yanında Korrupsiyaya qarşı Mübarizə Baş İdarəsi tərəfindən istintaqı tamamlanaraq, məhkəmələrə göndərilən cinayət işləri arasında “Sevil” MTK, Qazax Müəllimlər İnstitutun rektoru İsa Veysov və rəhbərlik etdiyi cinayətkar qrup, “Aqroliznq”in rəhbər şəxsləri ilə bağlı cinayət işləri də olub.

 

Onun sözlərinə görə, keçən ilin müvafiq dövrü ilə müqayisədə məhkəməyə göndərilən məhkəmə işləri arasında qrup şəklində törədilmiş ağır cinayətlərlə bağlı işlər üstünlük təşkil edir:

 

"Keçən il məhkəmələrə göndərilən 103 cinayət işindən 51-i ağır cinayətlərə üzrə məhkəmələrə göndərilibsə, bu il məhkəmələrə göndərilən 99 cinayət işindən 59-u ağır cinayətlər üzrə məhkəmələrə göndərilib".

 

İdarə rəisi sözlərinə əlavə edib ki, indiyə qədər Baş İdarədə 270 cinayət işi üzrə istintaq həyata keçirilib. Bunların bir qismi üzrə istintaq başa çatıb, hazırda isə Baş İdarədə 118 cinayət işi üzrə ibtidai istintaq aparılmaqdadır.