Xəbərlər

“Posta” qəzetinə idtinadən xəbər verir ki, bu arada İstanbulun Taksim səmtində Şanlıurfanın Suruç qəsəbəsində 31 nəfərin öldüyü və 104 nəfərin yaralandığı terror aktına etiraz məqsədi ilə toplanan kütlə ilə polis arasında kəskin qarşıdurma yaranıb.

 

Bir neçə həmkarlar ittifaqı və qeyri-hökumət təşkilatlarının üzvləri axşam saatlarında Taksim İstiqlal prospekti ilə hərəkət edərək gərginlik yaratmağa çalışıblar.

 

Şüarlar səsləndirən aksiya iştirakçıları daha sonra “Qalatasaray” Liseyinə doğru yürüş ediblər. Mətbuat üçün hazırladıqları qətnaməni açıqlayan etirazçılar oradan Taksim meydanına doğru istiqamət götürsələr də, polis onların irəliləməsinə imkan verməyib.

 

Bu zaman aksiya iştirakçılarının polislərə şüşə və qaz balonları atmalarına asayiş qüvvələri adekvat cavab verərək, rezin güllə, gözyaşardıcı qaz və su şırnağından istifadə edib.