Xəbərlər

Prezidentin Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda AZAL-da qiymətlərin bahalılığı ilə bağlı tənqidlərindən sonra şirkət qiymətləri aşağı salıb.

“Belə ki, Azərbaycanda yerləşən turizm şirkətlərinə AZAL-dan bununla bağlı müvafiq məktub göndərilib. Məktubda Bakı-İstanbul reysinin 90 manat olması ilə bağlı göstəriş yer alıb.

Qərarın nə vaxt qüvvəyə minəcəyi isə hələki dəqiq deyil”-,məlumatda qeyd olunub.

Gün.Az bu xəbəri dəqiqləşdirmək üçün bir neçə turizm şirkəti ilə əlaqə yaratdı, lakin hələ ki, şirkətlər belə məlumat olmadığını qeyd etdilər.

AZAL-ın mətbuat xidməti ilə isə əlaqə yaratmaq mümkün olmadı.