Xəbərlər

“Posta” qəzetinə istinadən xəbər verir ki, Türkiyənin Zonguldak bölgəsindəki Ereğli qəsəbəsində fəaliyyət göstərən Quşları Qoruma Dərnəyinə məxsus məkanda xoruz döyüşü təşkil etməkdə şübhəli bilinən 5 nəfər tutulub.

 

Ən maraqlısı budur ki, çübhəli şəxslərlə birlikdə döyüşdürülən 9 xoruz da polisə aparılıb.

 

Məlumata görə, xüsusi siqnal əsasında onlara verilən ünvanda qəfil əməliyyat keçirən polislər orada xoruz döyüşü rinqi və tamaşaçıların əyləşməsi üçün mini-tribunalar quraşdırıldığını aşkarlayıblar.

 

İlkin təhqiqatdan sonra aralarında Dərnək rəhbərliyində təmsil olunan şəxslərin də olduğu 20 nəfərə 208 lirə cərimə kəsilib.

 

Qanunsuz mərc oyunu təşkil etməkdə günahlandırılan 5 nəfər, o cümlədən 9 xoruz isə polisə aparılıb.

 

Daha sonra xoruzların meşə-təsərrüfat idaresinə veriləcəyi açıqlanıb.