Xəbərlər

Komitə sədri Gün.Az-a açıqlamasında bildirib ki,  ümumiyyətlə, dünyada ölkələrin turuzim potensialını artırması  üçün bir saylı göstərici hava yolları şirkətlərinin, konsernlərinin qiymətləri aşağı salmasıdır. 

“Baxın görün, bu gün Rusiya ilə Türkiyə arasında çarter reysləri var ki, qiymətlər cəmi 100 dollar civarındadır.

100 dollara Moskvadan Türkiyənin istirahət zonalarına- Bodruma, Antalyaya turist səfərləri olur, 100 dollara gedib-gəlmək mümkündür. Burada da bir neçə məqsəd var-turizmin inkişafı, ölkə vətəndaşlarının rifahı, yəni, vətəndaşlar ora-bura pul səpələməyəcəklər və sair.

Hesab edirəm ki, Azərbaycanda əməktutumlu iş yerləri məhz turizmdir.  

Elə Avropa Oyunları da bir daha göstərdi ki, Azərbaycan turizm ölkəsidir. Odur ki, bir xətt  turizmin inkişafıdırsa, ikinci xətt  qiymətlərin aşağı salınmasıdır. 

Yəni, turizmin inkişafı üçün, həmçinin, ölkə vətəndaşlarının xarici ölkələrə səfərlərinin daha ucuz başa gəlməsi üçün təyyarə qiymətlərinin tənzimlənməsinə böyük ehtiyac var. “AZAL” bunu mütləq nəzərə almalıdır”, - deyə, H.Rəcəbli daha sonra sözlərinə əlavə edib.