Xəbərlər

“İRƏLİ” İB-dən Gün.Az-a verilən məlumata görə, ilkin mərhələdə bir neçə janrdan ibarət, keçirilmiş sorğu nəticəsində müəyyənləşmiş kitablar könüllü şəxlər tərəfindən studioda səsləndiriləcək.

 

Audio formatında olan kitablar həm yaradılacaq vahid elektron audio kitabxana olan www.danishankitab.az  saytında yerləşdiriləcək ki, burada həmin audio kitabları onlayn şəkildə dinləyə və ya yükələyə biləcəklər, həm də disklər şəklində tərəfdaş olacaq kitab mağazasına veriləcək.

 

Saytda yerləşdirlmiş audio kitablarla yanaşı həmin kitablar haqqında tənqidçilərin, məşhur bloggerlərin fikirləri, kitabların satış rəqəmləri, sayt üzrə reytinq cədvəli, yazıçı haqqında olan məlumatlar və s. bölmələr yerləşdiriləcək. Sayta girmiş hər bir istifadəçi kitab və sayt barədə şərh yaza, təklif və iradlarını bildirmə imkanını əldə edəcək.

 

Artıq “Danışan kitab” layihəsi üçün səsyazmalara start verilib.

 

Qeyd edək ki, “Danışan Kitab” müxtəlif janrlarda olan yerli və xarici, klassik və müasir və müxtəlif janrlarda ədəbiyyatları özündə birləşdirən audio kitabxana  layihəsidir. Bu layihə görmə qüsurlu insanlara, həmçinin kitab oxumağa vaxtı, fürsəti olmayan şəxslərə daha əlverişli imkan yaradacaq.