Xəbərlər

Azərbaycan Respublikası Mədəniyyət və Turizm Nazirliyi və “National Geographic Azerbaijan” dərgisinin birgə təşkilatçılığı ilə keçirilən info-turun məqsədi xarici jurnalistləri Azərbaycanın zəngin maddi-mənəvi mədəniyyəti, əsrarəngiz təbiəti ilə yaxından tanış etmək, onların ölkəmiz barədə məlumatını artırmaqdır.

 

Tədbirə Hindistan, İran, Koreya, İsrail, Çin, Gürcüstan, Belarus və Rusiyadan iştirakçılar qatılıb. Təşkil olunan 2 info-tur (6-13 iyul və 15-23 iyul) çərçivəsində iştirakçılar İçərişəhər, Şirvanşahlar Sarayı, Qız Qalası, Mərdəkan Qalası, Atəşgah məbədi, Yanardağ və s. tarix mədəniyyət abidələrini ziyarət edəcəklər.

 

Bununla yanaşı, Şamaxı, İsmayıllı, Qəbələ, Şəki istiqamətində hərəkət edərək burada müxtəlif tarixi abidələri, həmçinin, Şamaxıda Cümə Məscidini və Şəkidə Xan Sarayını ziyarət edəcəklər.

 

Son olaraq qonaqlar Gəncədə Xan Bağı və Cümə Məscidi ilə tanış olaraq, Mingəçevirə, daha sonra Naftalana səfər edəcəklər. İştirakçılar eyni zamanda Naftalan müalicəvi nefti ilə yerində tanış olmaq imkanı qazanacaqlar.