Xəbərlər

Prezidentin sözlərinə görə, Finlandiya Rusiya nümayəndə heyətini qəbul etməyə hazır idi, amma Aİ-nin digər üzv dövlətləri bu məsələdə inkar mövqeyi tutdular.

 

“Rusiya heyətinin iştirakına qarşı olanlar çox idi. Sayı açıqlamaq istəmirəm, amma lehinə olan ümumiyyətlə yox idi. Helsinki Rusiya nümayəndə heyətini qəbul etməyə hazır idi”.

 

Qeyd edək ki, Finlandiya Rusiya Dövlət Dumasının sədri Sergey Narışkinə iyulun 5-9-da Helsinkidə ATƏT Parlament Assambleyasının illik sessiyasında iştirak üçün viza verməyib.

 

Rəsmi Helsinki bunu Narışkinin adının Avropa İttifaqının sanksiyalar siyahısında olması ilə izah edib.

 

Xatırladaq ki, Ukrayna məsələsinə görə Avropa İttifaqı Rusiyanın bir sıra rəsmi şəxslərinə, iş adamlarına sanksiya tətbiq edib.