Xəbərlər

Ertv.Az Türkiyə mətbuatına istinadən xəbər verir ki, Xionq Şuihua adlı 54 yaşlı biznesmen Xinyu şəhərinin kasıblıq və səfalət içində olan Xionqkenq kəndində doğulub.

 

Onun ailəsi o qədər kasıb olub ki, qonşuların yardımı ilə günlük ehtiyaclarını ödəyiblər.

 

Dəmir ticarəti ilə məşğul olmağa başlayan Şuihua zaman keçdikcə varlanıb. İllər keçdikdən sonra o yaşadığı kənddən uzaqlaşıb və milyonerə çevrilib. Lakin, o kəndi və ona edilən yaxşılıqları unutmayıb.

 

O kasıb olaraq çıxdığı kəndə milyoner kimi dönüb. O, kənddəki 72 evi sökdürərək yerində villalar tikdirib və kənd sakinlərinə hədiyyə edib. Bütün ərazini müasirləşdirib, insanların istirahəti üçün hər şeyi təmin edib.

 

Milyoner biznesmen kənddəki yaşlılar və gəliri az olanlar üçün gündə 3 dəfə pulsuz yemək də verilməsini təmin edib. Şuihua bunları söyləyib:

 

“Xərcləyə biləcəyimdən də çox pul qazandım. Amma keçmişimi unutmaq istəmədim. Hər zaman borclarımı ödəyirəm. Gənclik illərimdə mənə kömək edən insanlar və ailəmə borcumu ödədiyimə əmin olmaq istədim”.