Xəbərlər

Ertv.Az səfirliyin “Facebook” səhifəsinə istinadən xəbər verir ki, dövlət başçısı səfirlikdəki “Heydər Əliyev” sərgisində yer alan Süleyman Dəmirələ aid fotolara tamaşa edib.

 

Daha sonra xatirə kitabına ürək sözlərini yazıb. Prezident qeyd edib:

 

“Görkəmli dövlət xadimi və ictimai-siyasi xadim, Türkiyə Respublikasının 9-cu  Prezident Süleyman Dəmirəlin vəfat etdiyi xəbəri məni son dərəcə kədərləndirdi.

 

Bütün həyat və fəaliyyətini Türkiyənin rifahı üçün həsr edən Süleyman Dəmirəl, iyirminci əsrin ikinci yarısından etibarən dünya siyasətinə, beynəlxalq ictimaiyyəti maraqlandıran qərarların alınmasına, dünyadakı hadisələrin siyasi baxımdan həll prosesinə yaxın iştirak etdi.

 

Türk dünyasının birliyi və həmrəyliyi üçün fədakarlıq göstərən Süleyman Dəmirəl, geniş coğrafi məkanda yer alan Türkcə danışan xalqlar və dövlətlər arasında möhkəm əlaqələr qurulması, əməkdaşlığın dərinləşməsi istiqamətində böyük xidmətlər verdi.

 

Süleyman Dəmirəl Azərbaycan xalqının həqiqi dostu idi. Azərbaycana içdən bağlılığı, Süleyman Dəmirəlin müstəqilliyimizə qarşılıqsız dəstəyində, Azərbaycan-Türkiyə qardaşlığının möhkəmlənməsi sahəsində bənzərsiz xidmətində ifadəsini tapdı.

 

Qardaş ölkələrimiz arasında əməkdaşlıq əlaqələrinin strateji müttəfiqlik səviyyəsinə çatmasında heç şübhəsiz, Prezident Heydər Əliyev ilə Süleyman Dəmirəl arasında qurulan dostluq və qardaşlıq əlaqələrinin bənzərsiz rolu oldu.

 

Süleyman Dəmirəlin əziz xatirəsi Azərbaycan xalqının qəlbində daim yaşayacaq.

 

Allah rəhmət etsin!

 

İlham Əliyev

 

Azərbaycan Respublikasının Prezidenti”.